Kjo është dhoma ku 30-vjeçarja Anisa Josifi ka qëndruar për 15 muaj e vdekur.<br /><br />Trupi i saj u mbajt nga nëna, Zhaneta dhe e motra, Blerta te cilat pretendonin se do ta ringjallnin sërish. Gjithë banesës i është bërë dezinfektimi.<br /><br />Mësohet se pasi policia dhe zjarrfikësit pasi kanë hyrë në banesë, aty kanë gjetur vetëm një kavanoz mjaltë, nga i cili kishte ngelur një sasi e vogël. Në frigorifer apo dollapet e kuzhinës, nuk është gjetur asnjë lloj ushqimi, bukë apo fruta. Gratë rrinin pa ngrënë me ditë të tëra dhe nuk takonin askënd.<br /><br />Televizioni Klan ka parë edhe fotot e trupave të nënë e bijë të cilat tregojnë se ato ishin kthyer në mumje. Policia ka marrë ndërkohë dëshminë e Blertës, të mbijetuarës nga tragjedia e Kombinatit. Ajo ka thënë se e motra, Anisa, qëndroi 52 ditë pa ngrënë.<br /><br />?Kemi ndjekur Dëshmitarët e Jehovait kur isha 15 vjeç. Më vonë kemi qenë në Kishën Ungjillore. Dy vitet e fundit u shkëputëm dhe besonim në ringjallje. Ritet Anisa i nisi në Janar të 2019-së dhe vdiq në 27 Mars të po atij viti. Anisa qëndroi 52 ditë pa ngrënë dhe pa pirë, pastaj ra në gjumë të thellë, sepse u pushtua nga demonët. Motrën e lyenim me uthull se kështu na mësonte Bibla. Një vit pasi motra ra në gjumë filluam sakrificën unë dhe mami. Kishim 40-45 ditë pa ngrënë. Pinim vetëm ujë të filtruar në napa. Mami po lutej kur ra pa ndjenja në mes të dhomës. Unë vazhdova ritin derisa erdhi policia?.<br /><br />Dosja ka mbërritur tashmë në Prokurori, ku ndaj Blerta Josifit është ngritur akuza e shkaktimit të vetëvrasjes. Dëshmia e Blerta Josifit do të verifikohet në një moment të dytë, pasi policia dyshon se ajo ka pësuar shok dhe do vërtetohet nëse është e aftë mendërisht.<br /><br />Pjesë e hetimeve pritet të jenë edhe disa sekte fetare në Tiranë e Përmet. Për ngjarjen ka reaguar edhe Kisha Ungjillore në Shqipëri që thotë se të gjitha fetë në vendin tonë besojnë në ringjallje dhe se kjo kishë nuk predikon vetëflijimin.<br /><br />Tv Klan<br />SUBSCRIBE to ?RTV KLAN? on YouTube for more videos!<br /><br />Për më shumë informacione vizitoni faqen tonë web https://tvklan.al/<br />Videot e fundit nga Tv Klan i gjeni në faqen https://tvklan.al/video/<br />Follow Tvklan on Facebook: https://www.facebook.com/tvklan/<br />Follow rtvklan on Instagram: https://www.instagram.com/rtvklan/<br />Programet e Tv Klan mund t?i ndiqni edhe në faqen https://tvklan.al/programe/
